【港姐冠軍】黃嘉雯發長文感謝身邊人:我會好好記住 (12:53)

文章日期:2019年09月10日

黃嘉雯前晚當選成為2019年度港姐冠軍,昨日即開始連串訪問及領獎工作,可謂有排忙。今日她趁空檔在社交平台發長文感謝身邊人,由參選至當選給予的支持。

黃嘉雯長文如下:

沒有人可以知道人生可以行到有幾遠,但如果怕失敗而選擇原地踏步的話,就會錯失左(咗)好多好美好既(嘅)事情。

呢兩個幾月裏面,我地(哋)經歷左(咗)好多事情同難關,當中有開心丶有挫折丶有淚水、有汗水;但這些一個又一個經歷令我成長左(咗)好多亦令我又好深既(嘅)感受。學識左(咗)無論面對咩困難同挑戰都要微笑堅強咁去面對。從來無諗過今年我地(哋)呢一班女仔可以咁團結,我相信無人可以感受到我地(哋)之間既(嘅)共鳴,如果呢兩個幾月無你地(哋)一齊經歷呢個旅程都唔會咁完美同快樂。

我好感恩我有一班好好既(嘅)朋友同屋企人做我強大既(嘅)後盾,無左(咗)你地(哋)我未必可以好有自信咁企係台上表現最好既(嘅)自己。仲有一班非常投入既(嘅)星級評判同觀眾,你地既(嘅)歡呼聲令我地(哋)每一個人都好享受呢個晚上!! 多謝曬所以(有)支持同幫助過我既(嘅)人,因為有(你)地(哋)係我身邊而感到驕傲。收到好多好感動既(嘅)祝福,我會好好記住在心中。

人生最好既(嘅)旅程不在於世界每個角落;人生最美好既(嘅)旅程原是人生本身!多謝您地(哋)令我呢個最長既(嘅)旅程變得更精彩! 繼續維持平常感恩既(嘅)心。

#俾(畀)少少時間我會逐一覆返你地(哋)

#太多人要感謝不能一一盡錄

#misshk2019

(即時娛樂)