張頴康爆睡房咀戲未曝光 拍攝前心理輔導馮盈盈 (22:34)

文章日期:2019年10月14日

【今晚直擊】張頴康跟馮盈盈在新劇《解決師》的激咀戲,昨晚預告片播出後,引起不少關注。張頴康今晚出席劇集宣傳活動時表示:「這幕戲好難enjoy,因為浴室好細,當時天氣又凍,拍了幾小時,不停被水淋是幾痛,她就話自己皺皮,都好難enjoy,加上又要遮穿崩位…大家知道電視尺度有限,只可以玩些大家之前無睇過的。(於是想出啜她耳珠?)是,都要搵些不同演法,頸上做戲。」

張頴康更爆之後還有一場睡房戲,「盈盈話怕男友寶寶嬲,所以不畀咀,好早問我如何去拍,我已心理輔導了她成個月,當晚正式拍攝時已4、5點,再唔拍就收廠,於是我掟她落牀照咀,為了收工都無辦法。(老婆睇片後有何反應?)我都不知道昨晚出街,剛巧大家一齊睇電視,她講無乜嘢,但已不畀我惜,我想要守行為一段時間。」

相關新聞:【會作補償…】浴室激咀張頴康 馮盈盈爆男友心靈受創

相關新聞:【都幾激喎】張頴康馮盈盈浴室濕身肉搏 激咀兼啜耳珠

(即時娛樂)