胡鴻鈞蔡思貝爆緋聞 許廷鏗認單身:唔太關我事… (18:43)

文章日期:2019年12月10日

【今日直撃】許廷鏗最近被指同性好友胡鴻鈞(Hubert)與蔡思貝驚爆緋聞後,被嘲「失戀」而心情低落,在社交網上載歌詞以抒發情緒。許廷鏗今日出席新城頒獎禮記者會時,即被取笑他近日是否因「失戀」而頭痛?許廷鏗尷尬傻笑一輪才說:「我失咗一個好緊要的『麻將伴』,今日失咗一隻腳,『斷腳』,要好好物色麻將腳,一些好的麻將腳很難搵,牌品好就更加難搵。這個新聞好好笑!(胡鴻鈞好好牌品?)他是一般,哈哈!所以在此誠徵麻將腳!(可能蔡思貝牌品好好?)都可能OK,不過坦白講,近來少打牌。(對他們戀情有何睇法?)我不知道,無乜傾這些,反而覺得近來好似有不同身邊朋友有新的戀情,不知是否天氣凍?可能大家需要些溫暖,我暫時仲係單身。同埋我覺得好好笑,是好多朋友在網上進行不同解讀,其實我是宣傳自己新歌《將心比己》,歌詞放上網後大家就覺得『哦,佢講緊Hubert』,我就覺得想像力頗豐富,我知歌迷對我們FF有一種無限幻想空間,會在群組講我同Hubert之間虛構的戀情。」

至於是否祝福胡鴻鈞?許廷鏗稱:「都係,仲可以點呀…總之大家開心就得!(有無見過蔡思貝?)私下很少見,一定有見過,都認識的,近年確實少見,因為我轉了公司,所以…都唔知我答嚟做咩,都唔太關我事!(因為被指失戀?)不要搞我,我只是做音樂。」

相關新聞:鄭欣宜拒介紹對象 嘲許廷鏗「有拍拖先有得失戀」

相關新聞:【12‧28勁爆】新城節目直播賽果 歌手唔出席仍有奬

(即時娛樂)