【瘋狂集郵】許家傑喜見偶像古天樂 笑到見牙唔見眼 (20:06)

文章日期:2019年12月24日

於處境劇《愛‧回家之開心速遞》飾演「送水輝」的許家傑,近日獲麥長青邀請,首次參加演藝人協會的活動,同場有方力申、余慕蓮、余安安、薛凱琪、林子博、鮑起靜等,當然還有演協主席古天樂。席間,許家傑見到偶像古天樂,他開心得笑到見牙唔見眼,兼瘋狂集郵。他在社交網分享合照,並留言「你見到偶像時...係會笑到見牙唔見眼」。

之後,許家傑又貼出跟方力申及余慕蓮的合照,他說:「今次係我第一次參加 #演藝人協會既(嘅)活動,見到好多前輩朋友,感覺大家都好齊心,多謝 @mak_cheung_ching(麥長青Ig帳號)邀請。真係好欣賞 @alexfongliksun(方力申Ig帳號),作為藝人以身作則環島遊,呢份勇氣毅力真係唔講得笑(當時一直都有留意小方的新聞:游到嘔、眼睛發炎仍然堅持,勁)另外一位前輩是 #余慕蓮,當我跟她說她很慷慨地捐出自己既(嘅)金錢去起一間小學,她笑笑的說『只是小事一樁,古先生起的學校比我多很多』其實現今世界當一個藝人不是太難,但做到以 #生命影響生命,受人尊敬的才是難能可貴。#共勉之 #成功入會 #演藝人協會」

(即時娛樂)