【小怪獸x2】伍家謙宣布老婆佗雙胞胎︰興奮到我想跳舞 (13:13)

文章日期:2019年12月25日

無綫前新聞主播伍家謙早前宣布太太有喜,「小怪獸」將於明年春天出世。昨天平安夜,伍家謙在社交網補充,透露太太今次懷的是孖胎,所以明年出世的是「小怪獸 x 2」﹗

他在社交網上載兩對大人波鞋及兩對BB波鞋的照片,留言︰「衷心多謝咁多位嘅祝福,好感動﹗再講多兩句先。好多朋友奇怪,點解小怪獸出年春天就出世,我又會早幾日先知嘅?其實知就一早知㗎嘞(喇),不過諗住搵啱時間先公布啫;之前講嗰件車行事件,係早兩個月嘅事嚟🤣。」

相關新聞︰【怪獸家長】伍家謙宣布做爸爸:2020年春天小怪獸嚟喇

「同埋,上次太興奮,唔記得咗講......出年嚟我哋屋企嘅,係小怪獸s,即係小怪獸 x 2。一係唔發市,一發市就起孖,諗都冇諗過,興奮到我想跳舞;@ahtaidailylife,真係太辛苦妳喇🙇🏻。平安夜,我嘅心願就係阿太同小怪獸s平安健康;同時亦都祝各位聖誕快樂,願望成真。」

(即時娛樂)