黃子華賣樓拍《乜代宗師》:不揀合拍片 想自由自在拍攝 (20:35)

文章日期:2020年01月12日

黃子華繼《一蚊雞保鑣》後,相隔17年再炮製第二部自編自導自演電影《乜代宗師》,並安排於賀歲檔上映;不過,有網民發起罷睇「紅色」賀歲片,其中《乜代宗師》於深圳取景,故不是香港人電影。子華今日在facebook開live自白,他說:「今日睇新聞先知有朋友覺得呢套戲(《乜代宗師》),因為黃子華收咗幾百萬片酬,剝削了工作人員,以致不夠錢,有些戲需要返內地拍。其實呢套戲剝削了所有人,包括台前幕後,我想同大家講一樣嘢,每個人都畀我揼心口,唔該,唔該,平啲,平啲,平啲,因為真係唔夠錢,我自己做編劇、導演、演員,一毫子冇收過。真實情況,我係賣咗層樓拍呢套戲,所以冇人工。」

子華又澄清《乜》並非合拍片,「第一日拍呢套戲,心態係完全拍畀香港人睇,係一套香港戲,不揀合拍片,是想自由自在去拍呢套戲」。無論題材、表達手法,他都不想被人控制怎樣拍,只想忠於自己的概念去拍攝。子華說自己的心態是香港人投資、香港人賣樓、拍只給香港人睇的電影。他透露日前在街上被記者問,是否對《乜》好有信心?子華卻說冇信心,輸少當贏,「除非奇蹟,否則冇可能翻本!甚至唔諗呢層樓可以返番嚟,有冇可能返番間房?或者廁所?甚至返番個水龍頭都唔緊要,我已經預咗,至少可以自由自在拍呢套片,好唔好睇唔知,至少可以忠於自己」。

他又解釋為何要到深圳拍部分戲,「我問過一些監製,(賣咗層樓啲錢)香港可以拍到15日,但呢套戲要拍50日,資深導演或者可以,我真係冇呢個能力。除了錢,需要大廠房取景,都是錢問題。如果在香港拍50日,我賣呢層樓,仲要賣埋自己住那層。」子華最後形容自己是傻佬,「全行認為我係儍佬,90幾%冇可能翻本。我只希望講出真實情況,睇唔睇唔緊要,多謝大家」。

(即時娛樂)