不少藝人趁住農曆新年，帶同仔女外遊度歲，張頴康和老婆麥雅緻，帶同囝囝「小花生」和囡囡「小豆」到泰國旅行，阿康昨晚在ig上載一家四口在泰國吃團年飯合照，相中「小花生」扁嘴悶悶不樂，原來他被老竇叫醒食飯，阿康說：「我哋今年嘅團年飯喺泰國食！唔駛（使）奇怪點解小花生個樣會咁，因為佢瞓咗超過兩個鐘俾（畀）我叫醒食飯！而小豆就...食咗少少嘢就攰到要瞓一陣！我承認，佢哋啲電俾（畀）我哋放得好盡！但係其實喺泰國呢幾日，每晚佢哋瞓哂（晒）之後，先發覺...原來係啲細路放哂（晒）我哋啲電呀！」
另外，前港姐楊洛婷則和老公Tim及囡囡外遊度歲避年，楊洛婷在ig上載一家三口戴了口罩現身機場的合照，她說："Bye HK and Happy CNY everyone!"
