【武漢肺炎】張名雅夾1萬元 買口罩捐贈公公婆婆 (21:57)

文章日期:2020年02月05日

武漢肺炎疫情持續蔓延,人人四圍撲口罩求自保,可謂一罩難求;年輕一輩尚可上網取得資訊,什麼地方售賣口罩,但一班老友記往往要四圍撲之餘,分分鐘最後都撲空!近日靚媽張名雅就因為一件事,決定跟朋友每人夾一萬元,購買口罩幫助長者。張名雅在社交網留言:「今日出街買嘢,有一個老伯伯行過來問我:你個口罩係(喺)邊度買㗎?我立刻呆一呆。。答:我個口罩喺好耐之前買㗎。而(依)家好難買到㗎啦。然後佢企左(咗)一陣,無奈地行開。我當時立刻看看我手袋裡面有無口罩。好想比(畀)口罩佢,幫到幾多就幾多。失望地,我今日無擺口罩係(喺)手袋。」

「我知道社區裡面好多老人家都負擔唔到昂貴嘅口罩,亦唔識上網,唔知係(喺)邊度買。所以幾日都用同一個口罩。其實咁樣仲危險。我自己一個人嘅力量有限,搵左(咗)幾個好朋友大家唸(諗)住每人夾一萬蚊訂一批口罩番黎(嚟)可以捐出去幫班公公婆婆。大家,你地(哋)有無唸(諗)過捐口罩?例如家裡有一盒,兩盒三盒口罩都可以捐一個出來?集小成多?然後我可以親自安排派送。又或者有無人可以介紹邊度有口罩賣?以上只是一個小小想法,大家有沒有什麼建議?」陳煒與不少網民也紛紛讚好。

(即時娛樂)