江嘉敏買唔到廁紙衛生巾 車婉婉攬實消毒用品勁High (13:19)

文章日期:2020年02月07日

武漢肺炎肆虐全城,一罩難求,人心惶惶,除了口罩和酒精搓手液被搶購外,不少人亦到超級市場搶米﹑搶廁紙﹑甚至連衛生巾和避孕套都不放過。車婉婉昨天在社交網,上載攬住兩樽消毒用品的照片,她說:「過咗新年,Q MaMa全力投入拍攝新劇工作,由於屋企地方有限,並沒有囤積米和清潔日用品的習慣...過完年要補倉,但係超市個米𣕧(架)空空如也,吃貨餐飯點搞?又好彩!多謝Diana EE同Grace EE幫Q氏撲咗兩包米返來,暫時無斷量危機,感恩。

晚上開工,Q MaMa這幾天日間四出奔走,皆因屋企無晒『滴滴』同埋消毒抹地水...探訪咗10間超市,4、5間藥房零收獲(穫),個人十分迷失,最後心血來潮去咗一間街坊藥房,嘩!一入去見到好多藍色水水呀!巧開心呀!終於可以拖吓個地殺殺菌!買咗兩支頂住先!勁High﹗」

至於無綫小花江嘉敏亦在ig的限時動態貼文,指自己患腸胃炎,沒有發燒亦沒有嘔吐,其後她再貼出在超級市場貨架的片段,發現廁紙的貨架空空如也,她說:「我想話畀大家聽,我係一個肚屙緊嘅女仔,我要嘅紙巾、M巾但係全部都冇!想點先?」然後她再說:「唔係肚屙唔好搶廁紙喇!喂!一次過買10條廁紙用嚟食咩!斷估啲人唔係買啲夜用M巾嚟當口罩用呀嘛!」

(即時娛樂)