【武漢肺炎】林盛斌工作室生意受影響 同事home office (15:17)

文章日期:2020年02月12日

林盛斌(Bob)昨晚擔任無綫節目《娛樂大家10點半》嘉賓,指家中有很多小朋友,幸好平時有儲存口罩習慣,加上近期多留家中,口罩總算夠用,「去年拍消毒用品廣告後,獲廣告商贈送一箱產品,現在可大派用場。新年去了馬來西亞宣傳電影,回家想擁抱子女,老婆都喝停,要我由頭到腳消毒才准抱」。

提到陳柏宇投資的火鍋店在逆境中結業,Bob覺得營商有好多因素,自己工作室也受疫情影響,「公司做製作、公關及廣告工作,市道差都叫同事home office,但未去到放冇薪假,暫時仲頂得住,呢段時間是難捱。(早已賺到不少儲備?)都不是,我屋企要儲備,公司又要,搣搣吓就見到骨、見到肉,我最近都瘦了,不過錢冇了可以再搵,命仔最緊要,不會計較失去,只會好憂心和不開心,我會感恩仲有健康,等疫情過去再做好成績」。

(即時娛樂)

RELATED