新型冠状病毒疫情持續蔓延，不少演唱會、舞台劇及粵劇演出先後取消或延期。今日陳健安（On仔）在社交平台貼出公告，原定於本月28日假伊館舉行的「陳健安2020以青春之名演唱會」延期演出，他留言：「呢段時間一直睇住疫情，都未知道演唱會開唔開到，心諗只要有1%可能開到都繼續準備，亦都做咗唔可以如期開到嘅心理準備。直到收到消息一刻，仍然係會唔開心同流咗少少眼水，會喺度諗：『On diet咗三四個月、健身跑步咗五六十幾次、背咗歌詞個幾月、練歌、幾時先可以同大家分享成果...』不過好快，我又諗：『有多啲時間準備，一定一定可以再做得好啲。』無嘢比健康同生命更重要。多謝每位族人嘅支持同關心，希望你哋體諒，有最新消息會盡快通知大家。呢段時間大家專心抗疫，繼續盡做。到時除低口罩，健健康康，見證我嘅第一次。LOVE 本原族 族長上」不少網民留言為On仔打氣。
