黃秋生孖相識近20年名廚好友張錦祥（Ricky），拍攝ViuTV節目《究竟食咗乜》，早前他們遠赴意大利展開美食之旅，品嘗當地正宗意大利菜。明晚（20日）播出的一集，黃秋生和Ricky來到意大利卡塞塔省行花市，體驗當地聖誕手作市集，而意大利著名的傳統聖誕食物，當然要數Panettone（意大利聖誕傳統蛋糕）莫屬，是家家戶戶過節必食的食品之一。
Ricky見到Panettone十分興奮，不過在旁的秋生，則因為店員太「靚女」，竟然怕醜臉紅，他說：「我淨係見到靚女咋。」他更望著店員傻笑。秋生又害羞地叫隨行翻譯員，轉述給店員聽：「你話畀人哋聽吖嘛﹗唔係以為我做咩喺到笑人哋。」店員聞言隨即冧爆甜笑。秋生還用流利意大利話，向店員表示要購買Panettone，被Ricky和翻譯取笑：「果然有靚女就識講意大利文。」
