藍奕邦因焦慮症停工了4年，去年12月曾擔任鄧小巧個唱嘉賓。昨晚他在網上討論戴口罩問題，稱2年前返港要戴口罩才敢出街，不明白的人以為他扮大明星，如今病情好轉不用再戴，很心噏見到香港人現在人人戴罩。
藍奕邦留言：「真係好諷刺。兩年前初回港，焦慮症仲幾厲害既（嘅）時候，唔戴口罩幾乎唔敢出街。唔明既（嘅）人個個覺得我古古怪怪扮大明星，個個問我：『你戴口罩做咩啫？驚咩啫？』我都廢事解釋太多。但呢個口罩可以令我長期過敏嘅神經得到舒緩，可以唔洗（使）驚俾（畀）人見到我發作時嘅神經抽搐，慢慢開始投入返香港既（嘅）正常生活，慢慢接觸返（番）人群。由出街長期戴住到慢慢越（愈）戴越（愈）少，口罩係康復既（嘅）一件重要item。點知到我自身再無需要戴口罩嘅時候，我哋香港人反而要戴，由之前為抗爭而戴，到而（依）家為抗疫而帶（戴），唔戴反而會俾（畀）人叫返你戴。返到香港差不多一個禮拜，出街見到個個人戴口罩，其實係心噏。但無辦法，只希望人人有罩，大家一齊捱過呢一關。」
