新型冠狀病毒肺炎疫情持續，為防中招，市民必須時刻注意個人衛生；除了戴口罩、勤洗手，不少人外出回家後會立即冲涼，以減低把細菌帶回家中的風險。索媽孫慧雪每次出完街返屋企都會洗白白，防疫意識甚高，但原來她不太喜歡冲涼。她在社交網上載一張浸在浴缸的照片，並留言：「其實我並唔係咁鍾意沖（冲）涼㗎！呢段時期，沖（冲）完個涼諗住唔出街，但有啲嘢唔記得咗買又要騰落街，咁返屋企又要沖（冲）多次涼，咁而（依）家唯有keep住唔沖（冲）涼，直到出街，出完去返嚟先沖（冲），咁就唔會嘥水嘥時間啦！係咪！？😂 #仲講到 #好有道理 #天生麻甩」有網民勸籲孫慧雪，起碼一日冲一次涼。
