許芷熒（原名許亦妮，Whitney）上月初誕下女兒「馮寶寶」（Kayli Jane Fung），B女昨天滿月，Whitney卻嬲爆。為免影響心情，她昨天未有多說，直至今天才公開原因，原來跟女兒的健康有關。
她說︰「我諗我嘅嬲只有當過 / 當了爸爸媽媽的人才會明白﹗呢件事係關於我買咗一個產品，呢個產品嚴重出錯，以至我BB多日嚟吸收唔足夠嘅營養。然後呢間公司嘅負責人畀我嘅態度同回覆令我覺得更加嬲﹗佢講到好似個產品係咁㗎﹗好似講到冇乜嘢﹗」
「我喺Ig搵呢間公司嘅負責人聯絡嘅時候，佢畀我嘅態度同答覆，我已經感覺到佢一係是一位男士，一係就係冇生過小朋友嘅人，佢唔會明白BB唔吸收足夠嘅營養係令到作為消費者嘅父母有幾嬲怒同心痛。點知原來佢真係一位男士﹗最精彩就係佢對於個產品出錯同推卸責任嘅答覆﹗」
