ViuTV節目《晚吹─空肚講宵夜》新一季明晚播出，3位主持梁祖堯﹑蔡瀚億（BabyJohn）和陳俞希（Hailey），每集會介紹全港不同地區的美味宵夜。
BabyJohn表示回想起一次難忘大牌檔搞笑經歷：「我記得有次喺油麻地食食吓，突然身後有架好大嘅垃圾車，向我哋不停響按，原來我哋張枱喺馬路中間，於是我哋6個男人夾手夾腳抬起成張枱走，算係食宵夜食得最驚險嘅一次。」
在佐敦長大的梁祖堯，自認是半個「地膽」，他表示自從品嘗過由薛凱琪（Fiona）介紹的雞煲後，自此對雞煲有重新的定義：「你知唔知我人生係未食過雞煲？因為我覺得全世界嘅雞煲都係一樣味，都係一隻雞一個煲之嘛，直至Fiona帶我去食，就覺得原來雞煲可以好好味！」
