余香凝（Jennifer）日前接受許文軒主持的節目《StarTalk》訪問，對於新歌《無得比》發放正能量，她說：「我唱歌唔係玩玩吓，自細已經有歌手夢，參加好多歌唱比賽，就算入行做model，我都有同公司講做model係踏腳石，之後拍電影，發現自己多咗個興趣外，我從演戲角色中搵到好多創作靈感，所以開始同監製一齊創作歌曲。」
余香凝表示受父母感染愛上音樂，她說：「媽咪都好鍾意唱歌，係佢叫我學鋼琴，以前佢租咗好多卡拉OK返屋企，我哋一齊喺屋企開騷！而爸爸自學好多樂器，有二胡、小提琴、口琴同手風琴，佢叫我創作一啲中國風嘅歌曲，佢話咁就可以同我crossover！」
