資深藝人劉永昨晚接受倪詩蓓主持的新城節目訪問。劉永透露近期因新型冠狀病毒肺炎疫情持續，多了時間留在香港照顧一對8歲和12歲的兒子，會陪他們上網溫習，一齊打波和打拳。至於工作方面，劉永表示很多工作暫停，自己生活還可以，待疫情過後會開工，他的公司正籌備羅志祥及周杰倫的演唱會。
至於有否聯絡前妻黃麗燕，劉永稱大家有聯絡，一對兒子和媽咪亦有聯絡，皆因現在很簡單，打電話或微信就可以。問他跟前妻關係和平？劉永說：「無嘢，佢有佢生活，我都就快70歲，佢先30幾歲，所以是好明白。（已正式辦妥簽字離婚手續？）唔想講這些，唔想小朋友睇到唔開心，呢啲嘢唔緊要。（會否再拍拖？）我仲拍拖？不如同一對仔拍拖好過，現在最緊要是工作，栽培後輩已經好開心。」
