新型冠狀病毒肺炎持續肆虐全球，在香港仍有新增確診個案，市民盡量留家避炎，但亦有不少父母帶同子女行山，親親大自然「放電」。
車婉婉昨天偕老公Q PaPa和快將3歲的兒子BBQ行山，BBQ身穿印有「#NEED A NAP」字樣的tee，婉婉笑言囝囝自停學以來，因為體內積聚太多「電」而未能釋放，更打亂了囝囝的睡眠時間。
婉婉說：「（囝囝）已經有幾日死頂住無午睡，仲夜瞓𠻹...MaMa真係反晒眼，但係，我哋係會繼續努力嘅，一向強壯嘅BBQ先生每次Hiking都自己行晒全程，可能今（昨）日Q PaPa選擇嘅路線比較進取咗少少，行咗足足兩個幾鐘，到落山嘅時候佢突然叫MaMa抱抱（真係未試過），我真係抱佢唔起，仲要落山，重任當然交比（畀）PaPa啦！抱上身一秒，真係一秒，立即瞓著，首次行到瞓著！堅瞓著，放電成功！」
另外，江若琳和老公蕭唯展（前名：蕭潤邦/Oscar）昨天亦行山，Oscar在ig貼上在山上攬實老婆的合照，並笑稱：「好攰既（嘅）白色情人節快樂。」
