蔡卓妍（阿Sa）、關智斌（Kenny）及陳家樂等，於馬來西亞拍攝網劇《女法醫JD》，由於當地宣布由3月18日至31日全面限制國民活動，眾人惟有留在酒店休息，並各自搵節目解悶，阿Sa就幫助手剪頭髮，Kenny用手機唱K兼自拍，而陳家樂就留鬚玩頹廢Look。
相關新聞：【大馬鎖國】阿Sa關智斌留酒店休息 霍汶希︰他們很安全
阿Sa留言：「你要對你嘅朋友幾大信任先會比（畀）佢剪你嘅頭髮？！我助手今日叫我同佢剪頭髮，究竟佢係因為真係想剪頭髮，定係驚我悶呢？不過我都不負眾望，設計咗一個劃時代變化萬千嘅髮型俾（畀）佢，你哋睇吓佢幾咁滿意。#原先佢想剪玄彬個髮型 #但係佢實會變圓彬 #所以我決定唔會將佢啲蔭剪到咁短 #可以修飾下佢嘅面形同襯返（番）佢嘅身形 #秘撈 #剪頭髮唔難 #最難係剪完頭髮吸返（番）啲頭髮碎 #再順便消埋毒 #一定乾淨過之前 #今日過得好充實」
