周秀娜舊愛陳偉成（Avis）日前公布模特兒太太黃藹樂（藝名︰黃樂樂）懷孕喜訊，昨晚他再次更新二人情況，指太太擔心大肚後變肥，於是決定陪她一齊增肥，結果變成大肚腩身形，由型男變成大叔。
陳偉成網上留言：「知道懷孕嘅時候，我老婆太貪靚啦成日驚肥，連食嘢都要就住就住。所以我決定呢10個月裏面唔去做gym，陪佢一齊肥，增磅，每日食四、五餐又食宵夜，開始以為幾個月肥極有個譜，點知真係可以去到好嚴重，我而（依）家已經肥咗10kg，好多衫都已經唔啱着，着咩衫都覺得自己好核突，所以男人都真係要Keep fit，如果唔係真係好容易變大叔。不過我又唔使驚，我相信我兩個月，可以見番我啲腹肌，因為我相信我嘅團隊會幫到我。有冇人想同我一齊兩個月減咗10kg，一齊見證一下由大叔變返型男。 Ps：懷孕真係付出好大，冇藉口對老婆唔好。」
相關新聞：【有喜事】陳偉成公布太太懷孕：好快去旅行買3張機票
