無綫前體育主播伍家謙，早前宣布老婆謝麗萍有喜，兼且懷孖胎，不過伍家謙甚少在社交網公開老婆真面相，多以卡通圖案遮樣。伍家謙近日終於公開老婆容貌，原來兩公婆影靚相留念，原先伍家謙貼了一張他和老婆身穿籃球球衣的合照，當時老婆被遮樣，但之後他再公開老婆真面目，伍家謙留言：「以前聽人講，話女人大肚嗰陣最靚。我冇諗過靚到咁。#仲要未執相 #本來唔露面 #但係話側面加陀（佗）b就破例一次喎。」有網民留言讚伍太好靚，好似明星，甚至相中的角度跟苟芸慧有點相似。伍太亦在ig貼相，她說：「去咗影大肚相，其中最好玩嘅係籃球造型，呢張影到怪獸（伍家謙）好man呀！怪獸你要加油呀，第二時你要一邊舉起一隻小怪獸㗎！」
