曾若華（Jude）日前現身TVB娛樂新聞台節目《StarTalk》，接受主播許文軒訪問，大談新歌《零分》感受。Jude表示寫廣東歌有難度：「以前喺英國讀書生活，初初返到嚟香港交歌，有啲掌握唔到，覺得我啲旋律同廣東歌詞格格不入，但呢幾年聽多咗廣東歌，花咗好多時間去研究。」
談到做導演拍MV，Jude說：「我好鍾意拍嘢，以前係讀攝影，係因為入行唱歌先影響返我再接觸呢樣嘢，今次拍《零分》好辛苦，但學咗好多嘢，最難係要自導自演，要分身。之前幫Shiga連詩雅拍《說一句》歌詞版MV，嗰時我仲未入行，佢其後都有講返，覺得初初見到我時有啲擔心，問係咪真係識拍嘢㗎？好彩之後佢覺得效果好好，所以上年再搵我拍《過來人》MV，希望嚟緊多啲人搵我拍MV。」
