新冠肺炎持續肆虐，各行各業飽受衝擊，娛樂圈亦大受影響，其中杜汶澤的網台亦作出調整。阿澤在facebook宣布，決定暫停拍攝節目《為何深夜總是餓》，還向員工承諾，不裁員亦不減人工，他說：「市道低迷，為咗唔想減薪同栽（裁）員，我決定暫停拍攝『為何深夜總是餓』。其實同同事相（商）量過，雖然Yellopenrice成本仲貴啲，而且100%無可能有廣告收入，純粹白做，不過大家都認為，呢個係我哋黃色媒體嘅社會責任，所以兩者之間忍痛決定咗停『總是餓』，希望觀眾體諒！其餘LATESHOW會繼續每星期三開騷，CEO會客室不定期播放。繼續支持喱騷！支持喱騷，即係支持你自己！我向員工承諾，一個人都唔炒，一蚊人工都唔減！大家繼續努力，齊上齊落！抗戰抗疫！」
