容祖兒剛在社交平台搞笑發文,聲稱今日跟一位朋友同車,可是鏡頭轉向另一邊,卻是一隻小強(蟑螂)正伏在車窗外邊,祖兒搞笑問小強想去哪裏,並幫小強配音回答:「無,想搭個順風車。(得唔係唔得,唔好突然伏喺度嚇親我哋。)唉,依家好難Call Uber,無辦法,唔好意思。」
容祖兒亦有留言:「呢條友成日遲到,又call唔到車,我咪唯有好心車埋佢囉,最後隻衰豬竟然跳車喎,唔該都無聲,#失驚無神卜(伏)喺我架車度。 #阿姐食過夜粥 #你嚇我唔到嘅 #不過我司機真係嚇到差啲棄車已(而)逃 #悶到同呢隻嘢配音唔係癲左(咗)係咩」