方健儀籲市民出外散步勿吸煙:無非想身體健康 (21:38)

文章日期:2020年04月08日

方健儀今日在社交平台分享戴口罩做運動的問題外,更帶出在緩跑徑及海濱長廊不時飄來陣陣煙味,認為大家都是想身體健康,為何散步又要吸煙。

方健儀留言:「唔落雨,落街跑一轉。有網友問落街運動戴唔戴口罩好?網上專家意見通常建議因應運動強度,如果跑步等帶氧運動,醫生不建議戴口罩,因為阻礙呼吸,血含氧量低,容易令人暈眩跌倒。而我呢,搭𨋢上落樓及在屋苑範圍會戴口罩,落到緩跑徑揀選少人地方除口罩,用口罩套袋著放在衫袋,然後做熱身,跑步時見前面大群人聚集即彈開。順帶一提,緩跑徑及海濱長廊不時飄來煙味。我成日諗,出外舒展,無非想身體健康,來食煙做乜?散個步,食支煙,身體唔會好咗,可能仲衰,食少支啦老友!」

(即時娛樂)