方健儀今日在社交平台分享戴口罩做運動的問題外，更帶出在緩跑徑及海濱長廊不時飄來陣陣煙味，認為大家都是想身體健康，為何散步又要吸煙。
方健儀留言：「唔落雨，落街跑一轉。有網友問落街運動戴唔戴口罩好？網上專家意見通常建議因應運動強度，如果跑步等帶氧運動，醫生不建議戴口罩，因為阻礙呼吸，血含氧量低，容易令人暈眩跌倒。而我呢，搭𨋢上落樓及在屋苑範圍會戴口罩，落到緩跑徑揀選少人地方除口罩，用口罩套袋著放在衫袋，然後做熱身，跑步時見前面大群人聚集即彈開。順帶一提，緩跑徑及海濱長廊不時飄來煙味。我成日諗，出外舒展，無非想身體健康，來食煙做乜？散個步，食支煙，身體唔會好咗，可能仲衰，食少支啦老友！」
