呂慧儀傳擺款專蝦小角色 張景淳晨早Ig長文護花 (12:34)

文章日期:2020年04月15日

呂慧儀最近是非纏身,繼之前被指不滿同公司的娛樂新聞台採訪太密,晦氣鬧走女主播周佩婷後,今日又有報道指她愛擺款,專揀《愛‧回家之開心速遞》中的小角色,如「群姐」許思敏、「池美麗」鍾凱琪等來欺負;與緋聞男友張景淳雖否認戀情,卻不時雙雙匿在化妝間VIP房內幾個鐘。

張景淳今早7時在Instagram撰長文護花,他說︰「我覺得有必要講清楚,因為實情是工作反而被亂說係好委屈的。前幾天幫忙為蟹(呂慧儀)完成錄製網上廣告片。在根本沒有多餘時間剩的全廠full schedule工作天裡(裏),蟹趁中午lunch break把握時間,借用了化妝間裡(裏)面;備有獨立洗手盤(盆)(和設有24hr監控鏡頭的)的vip化妝房間作拍攝用途,拍攝洗手示範片段。分開了兩天拍攝(第二次因要補拍追加內容)。兩次每次分別借用大概10分鐘左右,拍攝了合共20多30個take的家居洗手示範廣告片,務求拍出一條最好效果的成品交貨。(自己看圖) (不負責的知情者,你對眼咩事呢?生理時鐘定隻錶(表)有問題?定以為個(嗰)間係精神時光屋裡(裏)面十分鐘=外面三個鐘?好喜歡造謠?不如唔好咁啦)」

「另外,成個團隊都知道,蟹係一位人前人後都表裡(裏)如一,為人率直大情大性的藝人。平時十分照顧團隊,對業餘特約表現顯得很迷茫的時候或持續達不到所需要求時,都會盡量幫助,提點和示範。無論係互相幫忙拍片,定演員間互相提點幫助大家做好啲,大家一直都係貫徹緊一個團隊 / 一家人嘅精神。盡力喺有限時間有效率完成工作。所以作品先至日日速遞到俾(畀)大家。我覺得今次有點不公平。係過分。明白的,最近無新聞。就這樣吧。」

張景淳強調如有3個小時空檔也寧願用來休息,希望那個「不負責任的知情者」不要造謠。他又不滿地說︰「唔知亂報料能獲得什麼獎賞,搞清楚先寫啦﹗如果一個女人日日努力工作日拍夜拍、接job賺(掙)錢養家湊仔,lunch都唔食,實在唔應該俾(畀)你位閒來無事嘅幕後知情者嚟老作講閒話。好人都俾(畀)你激死。如果係男人,自己搵啲嘢做啦,何必八八卦卦 ,良心 ,良知。

呂慧儀在帖文下留言︰「我看到的是報業間的競爭,對家寫完,梗係要寫返多啲,寫返爆啲。最近無新聞,大前天就問的料等今日先出,又頂到一日的娛聞,無奈,但都多謝你,幫我拍咗咁多條片!」

(即時娛樂)