【有片睇】古巨基洗腦式教囝囝洗手 Kuson露萌爆笑容 (16:30)

文章日期:2020年04月16日

古巨基去年底升呢做爸爸,太太陳英雪(Lorraine)為他誕下兒子Kuson。上月中承認已為人父的他,今日在社交網分享囝囝的片段,估計已4個月大的Kuson肥嘟嘟,眼仔睩睩地望住爸爸。留了鬍鬚的基仔不斷對囝囝說︰「洗手、洗手、洗手,洗手記得洗手。」Kuson望住爸爸,露出可愛笑容,後來更以笑聲回應。

基仔說︰「我問小Kuson有什麼想我代佢同大家講?我話如果我講中佢諗嘅,就用『笑」嚟示意啦~於是我就話:洗手洗手洗手,記得洗手!跟住佢就笑到四萬咁口(不過冇牙又點四萬呢😁)!所以小Kuson 都提醒大家,記得勤洗手!」

「另外,古巨基醫療基金訂購了20萬個本地生產口罩將會稍後收到,收到後會盡快分批由義工團體送贈到老人家、低收入家庭及殘障人士等有需要的人士手上,大家繼續做好防疫措施,不要鬆懈,期待疫情盡快結束!當然,繼續呼籲大家非必要情況底下盡量Stay Home,以避免疫情蔓延及加重醫療系統負擔!」

(即時娛樂)