【改留言平息不滿】蔡嘉欣行山「感謝疫情」 遭網民鬧爆 (14:30)

文章日期:2020年04月21日

2019年度落選港姐蔡嘉欣在社交平台分享行山照片,可是因一句「感謝疫情」的留言,惹來網民留言鬧爆她,「醫護做到揾(搵)命搏,作為公眾人物唔鼓勵人stayhome仲感謝疫情比(畀)你去行山,冇品定冇腦」、「死幾十萬人然後感謝疫情,難聽講句,係針未到吉(拮)到肉,未有你身邊人確診然後死,有嘅話睇下(吓)你講唔講得出,發放乜野(嘢)正能量,比(畀)人笑你無腦咋」及「死左(咗)甘(咁)多人,仲要感謝呢個疫情?就系(係)因為喚醒你做運動??Like唔系(係)甘(咁)呃的吧」。

蔡嘉欣事後亦在留言內解釋:「感謝疫情,喚醒了我們家沉睡多年的運動基因,咁多年黎(嚟)從未同屋企人行過山,不過為了響應政府的限聚令,我地(哋)5人家庭,每次只能4人出動,繼上星期,佢地(哋)4個自私行,今日終於成功賣甩我家姐,不過我覺得作為呀(阿)妹...下次都係尊重敬畏家姐好,下次讓返個位俾(畀)你,我?都係 #netflixandchill 好了 #呀(阿)妹累了... #真心累死 #搞唔掂 P.S.選擇寫感謝疫情,感謝2字,沒有要看輕疫情嚴重性的意思,只是想表達,在艱難的疫情下,我們還是可以找到值得感謝感恩的事,勉勵大家在逆境中依然能有好的心態,保持正能量,愛大家

蔡嘉欣最初就算有網民提出修改留言,仍是不為所動,結果剛剛將「感謝疫情」改為「這段日子」,以平息大家不滿。

(即時娛樂)