新冠肺炎疫情持續，徐榮愛女徐心怡（包包）受疫情影響已停課了幾個月。復課未有期，小朋友雖然未必喜歡考試和測驗，但定必想念跟同學仔一齊上學的日子，包包亦不例外。徐榮夫婦日前在社交網上載包包的照片，相中的包包戴住粉紅色卡通口罩，拖住大人的手，她一臉高興，原來正要回學校取功課。
徐榮夫婦在照片下說︰「今日帶咗阿包返學校...攞功課。雖然只係去學校門口，阿包都已經好開心❤️。包姐話：我真係好掛住學校，仲有老師、同埋同學仔😃。#希望快啲可以返學 #希望在明天 #雨過總會天晴 #阿包話返學所以要著靚d（啲）」
