【疫情緩和】梁漢文10月底舉行個唱 有望成紅館重開後首位歌手演出 (16:10)

文章日期:2020年04月28日

梁漢文剛在社交平台公布好消息,他透露跟公司開完會,落實今年10月開其個人第5次紅館演唱會,現在去買齊自己喜歡的食物慶祝。

梁漢文留言:「今日有好消息同大家公佈(布)!YEAH!公司通知我,已經定好今年十月尾會係(喺)紅館開我第五次個人演唱會!如果疫情一直轉好,我會唔會係香港第一個歌手係(喺)紅館開番演唱會呢?大家同我一齊集氣!十月尾生活回覆(復)正常,我們於紅館相見!咁開心一定要慶祝下(吓),所以我決定食爆佢!哈哈哈!」

其後,梁漢文再向傳媒分享喜悅。「好開心今日收到公司通知 ,已經喺紅館拿到期,確實通知我喺十月底會做我第5次個人演唱會。我覺得我哋應該係抱住正能量去繼續生活,唔可以因為疫情就像世界停頓咗一樣。所以當初公司同我商量話入紙,我都好贊成,行咗先,做咗先,咁紅館又批咗,就當一切正常努力籌備一個精彩騷等大家,等疫情過去。依家乜都未定,定咗個期,近來開始約開會籌備,仲有錄緊新歌。對疫情係咪有信心?我估唔係我一個人對疫情要有信心,全世界都要對疫情抱有信心,每一個人都希望可以返番去正常生活。所以我咪叫大家一齊集氣,希望好快香港日日零感染,我哋都可以正常生活。當然公司都做好兩手準備,如果到時疫情真係大爆發,就會另有安排」。

(即時娛樂)