胡鴻鈞（Hubert）昨晚在社交平台分享他跟黃智雯及何遠東敘舊照片，明顯見到他頭形細了一個碼，胡鴻鈞笑言要跟黃智雯保持一點五米的距離，間接承認有P圖，又爆黃智雯的花名叫「黃屎屎」。黃智雯亦有留言讚他：「算你啦，幫我化返個妝」，胡鴻鈞卻繼續窒：「P你個樣P左（咗）2個鐘」。
胡鴻鈞留言：「每次當我地（哋）三個走埋一齊 時間就好似過得特別快 有三分一嘅時間去左（咗）研究餐牌 三分一嘅時間去左（咗）選擇研究完餐牌之後究竟食乜 剩低嘅三分一就係關心黃屎屎幾時會結婚 有時趁佢玩電話個（嗰）陣 我同龍貓就會傾下（吓）人生哲學社會時事上至天文下至地理嘅野（嘢） 當佢玩完電話 我地（哋）就會迎合番佢傾下（吓）啲八卦無聊野（嘢） 所以我地（哋）三個真係無所不談架（㗎） 我希望 龍貓身體健康係（喺）電視機同大銀幕前繼續發光發亮 用你嘅身體同心靈打動更多觀眾 黃屎屎減肥成功 然後...無啦 一齊加油 我愛你地（哋） #見好多人問點解我個頭細左（咗） #因為其實我同屎屎有一點五米嘅距離」
