馮盈盈戴祖儀亂入花叢堆影相 頭痛頭暈作嘔疑中毒 (22:34)

文章日期:2020年05月03日

戴祖儀(Joey)今日在Instagram上載身處粉紅花叢中的照片,開心表示在香港找到櫻花,又笑言︰「只要有童心,櫻花都變成真。」誰知她後來補充︰「喊出嚟,原來依(呢)種花叫夾竹桃,係有毒的~大家千祈唔好學我哋去影。」馮盈盈留言致歉︰「對唔住,係我發現棵花先,係我差啲害咗你。」

馮盈盈之後在其Instagram出post說︰「昨日幫戴祖儀係(喺)路邊嘅花叢中影相留倩影,心諗行街途中都見到如斯嬌美嘅花,世界真美好,但番(返)到屋企到今朝,又頭痛又作嘔,唔知點解,直至Joey問我︰『你有無頭暈作悶嘅徵狀?』原來,那棵粉紅色的花樹,係有劇毒的夾竹桃。故事教訓:路邊的野花不要採,也不要亂接觸,只遠觀好喇。#差點因為影相而中毒的兩位少女,#無啦啦變咗生死之交 #為藝術豁出去 #大家千萬唔好學」

馮盈盈回覆《明報》記者查詢時表示︰「我依家無事喇,多謝關心。應該要食先中毒,所以我應該好輕微。」

(即時娛樂)