【網民激讚】黃夏蕙出Post嘲全民派口罩措施來得遲 (13:05)

文章日期:2020年05月06日

特首林鄭月娥宣布全民派發的可重用口罩「銅芯抗疫口罩+™」,口罩清洗後可重用60次,更換濾芯後可再用。不過,香港早在1月中已出現首宗新冠肺炎確診個案,市民撲口罩撲足幾個月,至近日的本地疫情已舒緩下來,同時已有多條本地生產線投入生產口罩,所以政府現在始全民派口罩,被指措施來得太遲。

黃夏蕙在facebook上載除下口罩的照片,留言「抽水」。她說︰「係(喺)我最需要您嘅時候,你冇出現過,當我徬徨嘅心情平復咗嗰陣,你又話重投我懷抱,仲要愛我60次?我實在太感動啦!」夏蕙姨這段facebook帖文,分享13小時已獲得超過3.3萬個Like、7000幾次轉發及逾千個留言。

有網友留言讚夏蕙姨說話「咁好品」,夏蕙姨笑答︰「因為我係香港既(嘅)老母,所以好品D(啲)。」又有網民說︰「抽到黃河水都乾啦夏蕙BB﹗」夏蕙姨答︰「世事也被你看透。」也有網民見相中的夏蕙姨除口罩,擔心地勸她︰「感動還感動快啲戴番個口罩先,疫情好轉但係未過㗎﹗」夏蕙姨回覆說知道。

(即時娛樂)