憶起與亡母相處點滴 苑瓊丹感觸眼濕濕 (17:16)

文章日期:2020年05月07日

苑瓊丹(苑仔)日前接受香港開電視《開工大吉77》訪問,母親節將至,苑仔憶起與媽咪生活點滴,期間她回憶與亡母相處時,不禁眼濕濕流淚。「我記得阿媽好慳,坐幾毫子巴士買平嘢,過年過節買幾隻雞、十斤豬肉,所以細細個開始,都已經訓練幫手拎重嘢。阿媽係福建人,但同鄰居關係好好,所以街坊會教佢煲廣東湯水、整叉燒包,所以我好好食神」。 

苑仔表示媽咪以前經常帶她周圍見識,逢周六都有活動,最終被班主任投訴:「因為我哋星期六都好多街去,好似去遊船河、食素之類,後來班主任詐型,問我做乜逢星期六都病!」

苑媽媽鼓勵子女自由發展,即使入娛樂圈都沒反對:「其實只要我唔犯法,佢都會由得我!嗰時我都覺得自己幾靚女嘛,問阿媽不如去選美好唔好,佢話你咪去囉!」

苑仔表示講起媽咪都眼濕濕,慶幸與媽咪常旅行,留下美好回憶:「因為我就好怕去旅行,拍戲都周圍去啦,但媽咪就想去外地玩,所以只要能力所及,都會滿足佢!」

(即時娛樂)