【健身室重開後...】張繼聰曬麒麟臂 胡定欣胡蓓蔚騷纖腰 (12:54)

文章日期:2020年05月09日

政府宣布早前關閉的處所,包括遊戲機中心、健身室、戲院和美容院等,昨天(8日)可重開。不少藝人已「餓」了一段時間,沒去健身室做運動,昨天即到健身室操肌,張繼聰在ig貼出巨臂照:並說:「終於可以去見吓(下)啲啞鈴,泵吓(下)d(啲)肉仔啦﹗」

胡定欣和好姊妹胡蓓蔚則騷纖腰:「"邊有肥呀?﹗"咩喎...多左(咗)肉個度我無俾(畀)你睇到啫, FIT開既(嘅),多忽肉仔都嫌多。今(昨)日教練話『輕Can』(輕輕)做,我就話係『輕Can』地勁做,過程當然嗌酸又攰又痴(黐)線,但C(死)都要頂住...ARRR!!~~開始有得去返GYM,但大家記都要保持衛生,加油! #鬼鼠(祟)肉 #可唔可以有個㩒(撳)左(咗)直接DELETE忽肉。」

而3孩之父黃祥興在ig貼弗爆照片,腹肌盡現,不過他表示現在身形今非昔比:「今日我的身形絕對唔係咁,我現在78公斤,身體脂肪14%。大家都想擁有一個咁嘅身型。我可以話畀大家知,唔係冇可能,不過要付出同有紀律。」

 

(即時娛樂)