陳凱琳（Grace）和鄭嘉穎的囝囝鄭承悅（Rafael）差不多15個月大，Grace趁今天母親節，她以媽咪視角為囝囝影靚仔相，Grace說：「臨到母親節我就諗起當時陀（佗）BB嘅經歷同過程。每一個母親喺呢段時候，都會有唔同嘅感受和感觸，所以做母親真係一件好神奇嘅事！
呢一年最大嘅改變，就係睇到BB由唔識行到而（依）家會跑來跑去，由唔識講嘢到不停咁嗌爸爸媽媽~最感恩嘅係BB一直以來都健健康康。相信做父母嘅都明白呢一點係好緊要。祝福全世界嘅母親，多謝你哋為兒女嘅付出和辛勞，好好享受這一個愉快的母親節！」而龔嘉欣﹑胡杏兒﹑李亞男﹑楊秀惠﹑苟芸慧﹑陳曉華和陳敏之等，都留言祝福母親節快樂。
