鄧穎芝日前公開一名「男教練」跟女生示範武術相片，質疑對方有非禮之嫌，並叫該女生不要啞忍這種行為。今日鄧穎芝就聯同余德寶議員，陪同受害人到沙田警署報案。
鄧穎芝留言：「好消息，今朝我同余德寶議員已經陪同受害人到沙田警署報案，喺度呼籲其他未聯絡我嘅受害人可以盡快聯絡我哋。所有資料一切保密嘅，所以唔好怕，行出嚟一齊指證呢個非禮嘅衰人！ P.S 如果你哋唔行出嚟，網上面被公開嘅非禮片段同相片就唔可以作為呈堂證供，就會唔成立。另外，即使你手頭上係冇影片同相片，唔駛（使）怕冇證據，即使只有對話內容同只要被呢個人非禮過都可以報警求助！ 多謝余德寶議員同埋風雨蘭嘅社工幫助，希望警方可以盡快緝拿兇徒。 #standupforyourself #womensupportingwomen #feminism #metoo」
