【好快上手】林奕匡首次擔任導師 姜濤5分鐘學識吹色士風 (12:10)

文章日期:2020年05月18日

姜濤與林奕匡(Phil)本是風馬牛不相及,但最近在唱片公司撮合下首度合作,2人除了合唱外,Phil更擔任導師,教姜濤吹奏色士風。

姜濤與Phil私底下並不認識,但因為同一個監製,在Studio偶爾碰面外,過去也只曾在ViuTV廠房撞見。作為老師,Phil在拍攝前一天,為姜濤準備全新簧片及吹嘴,而現場所見,身為學生的姜濤用心聆聽Phil的教導,在短短的5分鐘內,姜濤已學識吹奏一首簡短的兒歌,速度驚人。

事後姜濤興奮表示:「其實同事問我有冇興趣學色士風,我覺得OK啊!不過睇過好多人吹,但唔知係乜嘢一回事,唔明點解吹一啖氣會有咁多音,所以未開始學時,一心諗到Phil教我已經好有壓力,但到真正開始,Phil會令你整個過程都有好多新發現,感覺好得意!」

Phil被問到這位徒弟仔表現如何,他即大讚:「好醒啊!未吹到個音已經唱到個音,而且個音仲好準,今次係我第一次教人,所以唔知係我教得啱,還是姜濤pick up得快,短短5分鐘已勉強地學咗一首歌,已經好叻!」姜濤得知Phil為自己在鏡頭奉獻了第一次,即大讚道:「你教得好好,不如我下次教你跳舞。」

(即時娛樂)

相關字詞﹕林奕匡 姜濤 吹色士風