【果然係「治癒系」】鄧小巧《與人同行》助人掙脫傷痕 (16:36)

文章日期:2020年05月20日

唱作歌手鄧小巧在加拿大閉關逾月後,她帶着新歌《與人同行》跟歌迷見面,雖然在加拿大隔離期間不易適應,但觸發小巧寫下這首助人掙脫傷痕的歌,被稱為「治癒系」歌手的小巧,今次新歌MV邀來金像獎最佳美術指導張兆康負責。

對於這段時間的經驗,小巧說:「喺加拿大與眾隔離呢段期間,令我更加集中精神全力做歌,開始時我同製作團隊開會,話想將過去一段時間對生活嘅感覺記錄低,結果寫咗《與人同行》呢首歌,我覺得呢首歌畀你有一份溫暖,但當中又有啲孤單,係講唔到出口嘅。」

說到歌曲意念,小巧形容是她和歌迷的真實互動,她說:「記得幾年之前我搞咗《WhatsApp 鄧小巧》活動,開咗一個手機號碼,畀歌迷留言同我分享佢哋故事,好感恩佢哋願意將自己脆弱一面同我分享,原來對人歡笑背人愁嘅生活,係真實存在。正因為呢個活動,啟發我寫《與人同行》,因為我哋都以為傷痕太多,可以傾訴嘅人太少。雖然唔係每個人都住籠屋,但心理上某程度好多人被困喺一個籠屋,冇辦法掙脫過去傷痕,背負好多秘密,而一直被困喺一個破爛嘅地方,自己關埋門,只有自己知道,迷失喺生活節奏咁繁忙急促嘅城市入面,我寫呢隻歌就係想叫人有唔開心嘅事,要識得搵人傾訴。」

(即時娛樂)