無綫《東張西望》主持李旻芳（Lucy）去年11月嫁同是主持的黃耀英（Darren）。新婚半年，Lucy突然在Instagram分享腹大便便的照片，令人以為她突然有喜訊要宣布﹗原來，Lucy只是扮大肚感受一下將為人母的感覺，她坦言為了一對已經年老的愛犬，打算幾年後才去想生BB的事。
Lucy說︰「我發現我結左（咗）婚後，街訪（坊）認得我嘅話都會好熱情咁同我打招呼影相，仲會捉住我隻手好肉緊咁叫我快啲生小朋友😂。就算素未謀面，你哋都咁關心我，就好似我屋企人一樣催我，個感覺好親切。電視嘅魔力真係大！但係依（呢）幾年我想專心養我一對年老嘅狗狗先！BB嘅事遲幾年再算啦，唯有post扮大肚相過下（吓）癮先啦。」
「BTW，其實我一直都收到好多留言同msg，話成日經過見到我，都想同我打聲招呼，但係又唔敢開口。我想藉此話比（畀）大家知～ 唔洗（使）怕醜架（㗎）！我唔會食左（咗）你架（㗎）🤪，我係好人黎（嚟）架（㗎）～🤗」
