【今晚直擊】停工14個月的許志安，今晚（15日）亮相ViuTV音樂節目《Chill Club》，亦是自去年4月爆出「安心事件」後首度復工。現場有30位傳媒採訪，安仔面對傳媒時雖略為緊張，但他仍面露笑容。安仔先向大家說：「好耐冇見，今日（15日）係寶麗金50周年嘅Special，邀請我嚟唱歌，我以前係正東，屬同系公司，最主要係經過呢段時間，自己沉澱、自己靜思及反省，同埋自己學習，覺得自己成長好多。呢段時間確實有hard time，當我每次面對自己，反問起點喺邊度，盡力向前望，今日呢個時間係好好timing，出嚟去面對自己、去面對社會，呢件事令我未來日子行得更加好，希望可以重新出發做好自己。」
安仔續說：「呢段時間自己多時間陪屋企，知道屋企最重要，要裝備自己最重要，喺屋企陪多啲家人，睇書及做運動，希望可以鍛煉好自己，深深知道自己嚟緊日子點行及點做。今日喺時候出嚟見大家，去承擔我之前講過嘅嘢，要畀段時間自己靜思己過，呢個時間經過年幾，自己裝備好重新出發。」
