【跟心穎冇聯絡】許志安復工獲Sammi鼓勵:叫我對自己有信心 (21:09)

文章日期:2020年06月15日

【今晚直擊】停工14個月的許志安,今晚出席ViuTV音樂節目《寶麗金50周年Chill Club》錄影,吸引大批傳媒採訪。戴了婚戒的安仔精神不俗,問到昨晚有否緊張失眠?他說:「都有,我都問自己係咪ready,好似我太太(鄭秀文)同我講,你要做呢個工作,你要100% ready先,內心心態要好正面,要話畀人聽呢年幾你嘅信心。」

問到Sammi有沒有特別說話鼓勵?他說:「佢話自然啲啦,因為要對自己有信心,呢段時間除咗好好修理自己外,自己家中Lucky(愛犬)都好老,15歲幾,呢段時間更加差,開始行唔到,我喺佢身上學到好多嘢,學懂珍惜,雖然係花氣力照顧佢,呢段時間家中幾個人湊佢,希望佢開心,叫做當倒數日子,希望佢冇痛苦,最緊要開心。」

至於有沒有跟黃心穎聯絡?他直言:「冇喇,以前嘅嘢其實都過去咗,希望大家畀個時間我,我都明白要第一時間要大家接受係要啲時間,但我有信心每步要做得好好,其餘過咗去嘅嘢就由佢過去,我覺得呢個對我嚟講,係一個錯誤傷痕,呢個傷痕係唔會令我忘記,我反而睇到呢個傷痕,會警醒自己,做好自己,過去咗就過去咗,我唔會忘記,未來做得更好。」談到馬國明亦送上祝福,希望安仔有新開始,對於馬明正蜜運,安仔說:「我有睇報道,佢哋感情事,佢哋自己講番。」

問到有沒有信心挽回事業?他說:「盡力啦,盡力做好自己,假以時日人哋會睇到。」至於其他工作安排,安仔亦未敢肯定,復工安排要再問公司。

相關新聞:【經過沉澱靜思反省】許志安復工:重新出發做好自己

(即時娛樂)