張致恒（Steven）日前再做爸爸，太太雯雯為他誕下細仔「天牧」。天牧比預期早了出世，雯雯當日因為穿羊水，要緊急入院開刀，幸過程順利，母子平安，而且已出院回家。
剛展開坐月生涯的雯雯，在社交網上載Steven為天牧掃風的照片，大仔天寶坐在爸爸面前，好奇地望着弟弟。
雯雯說︰「第二胎... 辛苦足9個月，個肚脹到好似隨時會爆咁，完全企... 坐... 瞓都係辛苦，情緒一直差... 最後經歷埋穿水。其實好恐怖，啲水一直流唔停，老實講係幾辛苦同徬徨，連坐車都怕搞到人哋架車濕晒。緊急開刀，一直已經痛緊同驚緊，完全未嚟得切反應，已經要入手術室。」
「一切順利返到屋企，嚟緊三個月又係一個挑戰。已經過咗幾日，開始接受我新一頁嘅人生，我每一刻都會努力學習做一個媽媽，盡我最大嘅努力做好我自己，俾（畀）一個好榜樣我兩個小朋友。最後，希望哥哥會慢慢接受細佬，將來好好照顧細佬。」
