雨僑與羅力威於情人節宣布造人成功，今年內將榮升媽媽爸爸。雨僑今日在社交平台分享大肚寫真外，並上載一張羅力威手抱玩具BB的照片，看來正努力上堂學習湊B，而雨僑亦透露他們無請陪月或傭人姐姐，大讚老公堅持日後親力親為照顧小朋友。
雨僑留言：「P牌父親🚼Happy Father’s Day！ 嚴格嚟講，我哋P牌都未攞嘅😬 不過我已經覺得你一定會合格！ 話說無請陪月無請姐姐嘅我哋 屋企人都好幫得手嘅 但係呢個父親好堅持親力親為 話到時照顧方面佢負責番晒😌 好丫（吖）好丫（吖） 你唔係負責煮嘢俾（畀）我食就得㗎喇😊 加油呀 @adasonlo（羅力威）」
