林日曦將於7月2至9日在九展Star Hall舉行10場《林日曦細聲講：半厭世》，門票今早10時公開發售，個多小時後已全數售罄。
林日曦在社交網說︰「感謝大家陪我癲，十場滿座了。因為我不嬲冇好似其他show咁，hold起大半飛畀sponsor（因為我冇搵sponsor），九成公開發售，我原先以為已經好夠飛，但最後1個鐘頭多啲已經十場賣哂（晒），係有少少出乎我意料。」
「俾（畀）少少時間我，計一計數，睇下（吓）加唔加場，如果加場加幾多場、宣傳做唔做得切，仲有冇人會買...等等。唔一定加，但亦有可能加，要考慮好多嘢，俾（畀）少少時間我。」
