胡杏兒日前拍廣告時表示，因疫情關係，在不用開工的日子，多了時間陪兩個兒子，並將兒子有趣搞笑一面拍下跟大家分享。杏兒稱逾2歲的大仔Brendan，最近學識跳Psy的《江南Style》，又識跟拍子兼擺甫士，杏兒笑稱囝囝可能遺傳她的基因。
今午杏兒在instagram上載Brendan在家中跳《江南Style》片段，Brendan跳得好投入，有板有眼，姿勢十足，杏兒細仔Ryan、好友楊潮凱、傅嘉莉和周志文，則在旁做觀眾欣賞，Ryan睇哥哥演出都睇得好專注。
杏兒留言：「Brendan最近嘅最愛，Gangnam Style，佢最鍾意做sexy lady嗰part，再加少少自創嘅霹靂舞，佢應該唔係遺傳咗媽咪，唔通係爹哋，多謝潮凱叔叔，志文叔叔同嘉莉姨姨3個嘅旁述！」鄭秀文、王君馨、楊潮凱和傅嘉莉都留言激讚，其中鄭秀文說：「好猛！好起勁！」
