懷有第二胎的陳凱琳(Grace)舉行Baby Shower,宣布今次是佗男B。陳凱琳在網上留言:「估唔到咁快再一次搞Baby Shower﹗除咗用『超級感恩』去表達我對所有朋友嘅來臨,幫忙,愛心,關懷…等等等等,都唔知講咩好❤️😭I really love you guys﹗再一次多謝大家陪我玩咗一個下晝!一齊用一個咁好玩又咁有意義嘅方法同大家公布:『It’s a Boy﹗』我同老公都好期待細佬嘅來臨~最緊要健健康康~好似哥哥咁人見人愛!哈哈🎈💙💛🎂」
陳凱琳今日透過短訊回覆本報記者祝賀,她說:「好開心,諗起哥哥同細佬的關係會好好,一齊玩車車,做運動!希望細佬出世健健康康。(為何揀黃色小蜜蜂為主題?)Bee,小蜜蜂是想玩同音,Baby即是Bay Bee,加上覺得小蜜蜂好似好得意,而且用白色、黃色亦都無分男或女,未宣布性別之前可保持神秘感。(老公鄭嘉穎心情比第一胎是放鬆還是更緊張?)都是有少少緊張。」