【新冠肺炎】農夫新碟發布會延期 C君:最緊要身體健康 (16:20)

文章日期:2020年07月14日

由C君(鄭詩君)與陸永組成的二人組合農夫,原定近日舉行新碟發布會,可是遇上新型冠狀病毒肺炎疫情再次爆發,無奈要將發布會延期。

C君留言:「世事真係好有趣,原本諗住宣佈(布)發佈(布)會開售,而(依)家宣佈(布)發佈(布)會延期。有朋友問新作可唔可以網上發佈(布)?首先,堅持現場發佈(布)係因為我哋呢批歌有別以往hey ho hey ho嗰種,係要坐定定聽嘅。另外,我哋今次嘅作品係繼第一隻碟 #月下思 之後再出現 #parentaladvisory 家長指引嘅標籤,所以部份(分)歌需要導讀,而我哋嘅導讀就係我哋嘅Talk,亦係現場演繹一部份(分)。冇辦法喇,疫情再度爆發,唔緊要嘅,歌咪遲啲聽囉,而(依)家大家最緊要身體健康。Peace」

(即時娛樂)

相關字詞﹕C君 鄭詩君 陸永 農夫